سیگار، وبلاگ، لالا/سمیرا بزرگی

خسته ببام بس که مه دور و برˇ آدمونا، مه دانشجویونا، مه دوستانه بگوتم که شمه وقتˇ قدرا بدونین. خسته ببام بس که بگوتم چندی حرف زنین. چندی غر زنین. چره هیچ کاری نکونین؟
همش گوئن نبو، نشای. نگوذارن . وختی آپرسم چه بکوردین؟ خوشؤنا زنن علی چپˇ کوچه.
درس خان بخؤنن ایشؤنا فلسفی یأس گیره. کار خان بکونن هیچ چی بلد نین. (اگه بخان کار بکونن!)
شعار دن امه دانشگائون هیچ‌چی نداره امنا یاد بده. خاب! قبول. خودتؤن چی بکوردین؟ ایشونأ گوئوم مو عصر حجرˇ جا نومیام. مو وختی 18 ساله بام اینترنت نداشتم. 20 ساله بام ای.میل داشتوم فقط! شوما یه پله که نه، صد تا مه جا جلوترین، یعنی با جلوتر ببین. وینم فقط بلدن بشون Yahoo 360 میون! حتا زبانم بلد نین! خان بگوئن Fashion گوئن فشیون!!
ایشونˇ موبایلˇ دوربینؤن منا بکوشته. حتا ندؤنن پیکسل چیه که پز دن امه موبایلˇ دوربینˇ کیفیت 6 مگا پیکسله.
حتا نخان یاد بگیرین چتری عکسˇ کادرا دبستن. ایشؤنˇ تفریح ببیه بلوتوث بازی…
بدتر از اوشؤن، مه دوستونؤن که اهل قلم و کتاب و مطالعه‌ن! (اوشنˇ سرˇ قسم!) اگه مه پیلا آقا شیه قهوه‌خؤنه میؤن، اگه مه بابا تاکسی میؤن حرف زنه، ایشؤن شون کافی‌شاپˇ میؤن، سیگار کشن، ژست گیرن و نطق کونن یا حداکثر چت کونن. خوشؤنا زحمت ندن یه چی بینویسن مستند ببو. که چار نفر بخؤنن. که ویشتر یاد بگیرن، که ویشتر یاد بیگیریم…
خسته ببام بس که بدیم ایشون خؤنن و عمل نوکونن. بعضی وقتؤن منا برق گیره وختی وینم ایشؤن عینˇ دزدؤنی هستن که چراغˇ امرا شون دزدی!
خسته ببام بس که بگوتم نوشتن فقط استعداد نخای. شما با یاد بیگرین چتری بینویسین. این همه موضوع نای که شای اوشونˇ جا فیلم بسازین. داستان بینویسین. تحقیق بکونین. چره همش مصرف کننده ایم. خسته ببام بس که بشنوستوم کو امکانات! مه دل خای ایشؤنا خفا بکونم که فقط غر زنن!
مه جوابا ندن. لومپنی ببیه ایشونˇ افتخار. مه رعایتا بوکونن چپ چپ نگاه کونن و هر چه بلدن خوشؤنˇ دلˇ میؤن منا گوئن. پسرأکؤن یا سیگار کشن یا خوابن! کلئکاکؤن وبلاگ نویسن یا خوابن! اوشؤنˇ وبلاگ هم روزنوشته!
خسته ببام از این شفاهی مردم… همش گوئیم نبو. نشای. چه غلطی بوکوردین. چه غلطی بوکوردیم؟