توقایی (عاشقانه)

تی تی بوده خلی دار

طبل و شيپور بهار

باغَ مِن جار بزه

خزه از خؤ ويريسَه

علف از خؤ ويريسَه

گلِ شيپوری خو شيپوره بزه

کوتکوتو عطره بدَه

کی خوته ؟/ کی ايسَه؟ / کی بوشؤ ؟/ کی بمَه؟

بيست و يک روز ديگه

اَمه همسايه خؤنه

تخم مورغؤن شيکينن

جوجه مورغؤن در اَنن

می ديلی خأنه اَمه مرغؤن

توخمَ بيسيار بوکونن

ماشين جوجه کشی  خوار بوکونن

می ديلی خأنه اَمه خونه

همِه خونه ببون هر رو بهار

ولی افسوس کی ايبار

قرض اَمه خؤنه ايسَه

بانکِ رهنی خو دوته دسته بنَه می پِر سر

هر چی کؤنةم نشَنه

می مأرِی حوضَ کنأر ناله کؤنه

يا ابوالفضل رشيد!

خزه از ای سر ديوار حيأط

شَنه تا او سر ديوار حيأط

خزه خسته نبَنه

گل شيپوری خو شيپوره بزه

کوتکوتو عطره بدَه

کی بوشو ؟/ کی بمَه؟/ کی خوته؟/کی ايسَه؟

م. راما

———————————————————————————————————–

(1)

سوز و سرمایِ زَمَت، او خوشکه دار،

خوش زوپّهٰ‌ئنه بيرون اَرده دره؛

مو چره بارؤنأ جی تازه نبوم!!؟؟

(2)

عين بارؤن بهار نم‌نم بی

تو می تازه زخم به مرحم بی

هچی تاسيؤن ندأنم به خودا

آخه تنهايی زَمَت همدم بی

مير عماد م. موسوی

———————————————————————————————————–

دانی دوس داشتنه چی واسين دوست دارم؟

انه واسين کی تانم

می محبتا نثارا کونم

وقتی ناراحتی تی غم و غوصه يا می ديل ميان جا بدم

تی ديل ميان شادی بکارم

و اَ زمات می دستان گرمايه حس کونی

dani dus dashtana chi vasin dust daram?

ane vasin ki tanam

mi mohabata nesara kunam

vaghti narahati

ti ghamo ghuseya mi dile mian ja badam

ti dile mian shadi bekaram

va a zamat mi dastane garmaya hes kuni

شهاب گرکانی

———————————————————————————————————–

بهارؤن

سبزي تيم بيجارؤنه

تی تی هالی دارؤنه

گورخؤنه و توند وارش

ويل ويليه چوچارؤنه

تيم ويتنه ، نشاستنه

هر چی ببی بهارؤنه

جا دوخوسه، چوپاکؤنی

شادی کوچه زاکؤنه

تی رافايم، درا پايم

بهارؤنه ، بهارؤنه ، بهارؤنه

امين حقانی