نویسنده : احمدرضا احمدی
گیلکی واگردان : بهنام پوررجبزاده
فكر كونيد آخر بدبختي چيسه؟
_اَنكي آدم جوده زبان اَمره جدول ضربا امتحان بده.
كويه شيمي ديل خايه زينديگي بوكونيد؟
_پرانتز دورون.
شيمي جُورترين خيال، دونيايي سعادت جه چيسه؟
_اَنكي سعادتمند قُمي ده آواز نخانه!
چي خطايي يا زودتر تانيدي ببخشيد؟
_چاپي غلطانه يا ايملايي غلط ، چون كي اگه اَمان صابونه سين اَمره بينيويسيم صابون كف نوكونه.
مردکاني كي قِصان دورون پَسَند كونيدي كيان ايسيد؟
_مردکاني كي صفحه 174 دورون به قصه باييدو 175 دورون خودكوشي بوكونيد.
شيمي محبوبه آدم تاريخ دورون كيسه؟
_من جغرافي دورون اون دونبال گردم.
زناني كي تاريخ ميان يا واقعي زينديگي ميان پسند كونيد كيان ايسيد؟
_نانم.
زناني كي قِصان دورون پسند كونيد كيان ايسيد؟
_مره مربوط نيه.
شيمي نقاش محبوب كيسه؟
_تمام ساختماني نقاشان كي بدقول ايسيدي و نشا فهمستن كي اوشان كفش سيفيد ايسه يا سيا…
شيمي محبوبه آهنگساز كيسه؟
_بولبولي كي قناري يا به عونوان خو آسيستاني قبول بداره.
صفتي كي زناكان ميان دوست داريد؟
_اَنكي شيش در چاره عكسانا كارت پوستال جه بيشتر دولت بداريدي.
فضيلتي كي اينتخاب كونيد؟
_كفش بند دوستن ره صندلي يا تكيه نوكونيم.
مشغله اي كي شمه ره خوش آيه؟
_دفترچه تلفنه تحليل فلسفي كودن.
شيمي ديل خايه كي جا ببيد؟
_من فيلم بازي نوكودم كي بدانم تانمه خودم جا گب بزنم يا نه.
شيمي خصلت اصلي؟
_دوست داشتن تمام 6 شماره اي تلفناني كي اوشان 5 بوق زنه.
شيمي عَيب اساسي؟
_همه تان اساسي ايسيد.
شيمي نهايت خيال، خوشبختي جه؟
_اَنكي هيندي فيلمان، فارسي جير نيويس بداريد و فارسي فيلمان هيندي جير نيويس.
شيمي پيله ترين بدبختي؟
_وقتي به دونيا باموم صفر 8 اشغال بو.
كويي تا رنگه دوست داريد؟
_ساختمان نقاشانه واستي واوَرسم.
كويي تا گوله قبول كونيد؟
گولاني كي فارسي شعر بولبولانه هيزار ساله تحمل كونيدي.
چه پرنده اي يا دوست داريد؟
_پرنده اي كي شاعران موعاصر دست جا در اَمان ببه.
شيمي محبوبه نيويسندان كيان ايسيد؟
_اون كسي كي دفتر تلفونا تاليف بوكوده و برادران شوجاعي گلستانه…
شيمي محبوبه شاعران كويي تاييد؟
_شاعراني كي وقتي اوشان شعر تايپ به تازه شعر مفهوم عاطفي پيدا كونه و شاعر شعر تايپ پس موتعهد به.
كويي تا صفتا شيمي ريفيقان ميان ويشتر پسند كونيد؟
_اگه ديسك كمر داريدي دوتا كلمه ي نخجوان و محجوبا خوشان نامه يان دورون نيويسيدي چون كي اَ دو تا كلمه خوشان پيچ و تاب اَمره آدمه ديسكًً كمر آوره.
كويي تا (ريفُُُرما) ويشتر تحسين كونيد؟
_ريفرمي كي آمول شهردار بوكود كي اولاغان رَخت دوكونيد.
موهبتي كي شيمي ديل طبيعت جا خاستي؟
_دستگاه شورا_كي واستي نمكدان امره اجرا ببه.
چي خاستيد بيبيد؟
_مي عينك نومره هميشه نومره ي موقت ببه.
شيمي ديل خايه چوتو بيميريد؟
_راديكال جير_يا پرانتز ميان يا پرانتز آخر ويا آخر جوملاني كي جفا و وفا امره تمانه به. يا عيدي كي پزشك قانوني بوشوبي موسافرت.
الان شيمي وضع رواني چوتو ايسه؟
_مي ساعت كوك تمانه بوسته.
شيمي پيام چيسه؟
_كوك ساعتا موراجعه بوكونيد.
مطالب این شماره :
